Kasami takoi ambasadorin Reka: Deputetët e Lëvizjes Besa do ta përkrahin ligjin për gjuhët

Kryetari i njërit nga fraksionet në Lëvizjen Besa, Bilall Kasami i shoqëruar nga deputeti Fadil Zendeli dhe përfaqësuesi i lartë i partisë Kastriot Rexhepi, priti sot në takim ambasadorin e Republikës të Shqipërisë në Maqedoni, Fatos Reka.

Në takim u diskutua rreth situatës aktuale politike në Maqedoni, me theks të veçantë për çështjet që kanë të bëjnë me shqiptarët, si që është ligji për përdorimin e gjuhës shqipe.

“Kryetari Kasami e njoftoi ambasadorin Reka se Lëvizja Besa edhe përkundër vërejtjeve që ka për ligjin në fjalë, e sheh këtë ligj si një avancim të përdorimit të gjuhës shqipe në Maqedoni dhe si të tillë deputetët e Lëvizjes Besa do e përkrahin. Po ashtu bashkëbiseduesit diskutuan edhe për proceset reformuese dhe ndihmën që mund të japë Shqipëria për këto procese përmes përvojës që ka tani si anëtare e NATO-s. Të dy bashkëbiseduesit u dakorduan që takimet dhe konsultimet mes Lëvizjes Besa dhe Ambasadës të Shqipërisë të vazhdojnë edhe në të ardhmen për të ndihmuar në avancimin e interesave të shqiptarëve në Maqedoni. Ky ishte takimi i parë i kryetarit Bilall Kasami me ambasadorin Fatos Reka, pas rizgjedhjes të tij në detyrën e kryetarit të partisë në Kongresin e parë të Lëvizjes Besa të mbajtur më 24 shkurt”, thuhet në kumtesën e Lëvizjes BESA.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP