Timonie: Ligji për gjuhët nuk është prioritet për BE-në dhe nuk kishte nevojë t’i vendoset flamur evropian

“Nuk ishte e nevojshme që t’i vendoset etiketim evropian Ligjit për gjuhët”, ka deklaruar ambasadori i Francës në Maqedoni, Kristian Timonie në një intervistë për “Makfaks”, përcjell Portalb.mk. Ambasadori duke iu përgjigjur pyetjes së gazetarit lidhur me bllokimin e Kuvendit nga ana e VMRO-DPMNE-së me 35 mijë amendamentet, tha se ligji nuk ka nisur në mënyrën adekuate.

“Kuvendi nuk funksionon si duhet”, ka theksuar Timonie. “Ligji nuk ishte prioritet për Bashkimin Evropian. Partitë shqiptare janë legjitime dhe duan që kjo çështje të zgjidhet”, shtoi Timonie.

Ambasadori u thirr në deklaratën e liderit të BDI-së, Ali Ahmetit, i cili ka deklaruar se për këtë ligj kanë pritur 150 vjet dhe do të presin edhe pak.
“Duhet të gjendet inspirim në mençurinë e tij”, ka deklaruar ambasadori i Francës. Timonie ka potencuar se është shumë më e rëndësishme që shteti ta bind Brukselin dhe demokracia në Maqedoni është funksionale. Ai po ashtu është i befasuar me atë se sa lehtë iu është marrë imuniteti deputetëve në Kuvend. “Nuk është më i rëndësishëm paraburgimi, por vendimi përfundimtar”, ka deklaruar ambasadori për “Makfaks”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP