Deputetit Frashër Krasniqi ia ndalin mikrofonin në Kuvendin e Kosovës, reagojnë nga Vetëvendosje
Lëvizja Vetëvendosje ka reaguar pas ndaljes së fjalës së deputetit të kësaj lëvizje, Frashër Krasniqi në Kuvendin e Kosovës nga ana e kryekuvendarit, Kadri Veseli.
” Ky është veprim kundërkushtetues, i kundërligjshëm dhe i patolerueshëm. Ky veprim i Kadri Veselit është një precedent që duhet të shërbejë si një sinjal dhe alarm i jashtëzakonshëm për të gjithë deputetët e Kuvendit të Kosovës, për gjithë shoqërinë kosovare, për secilin qytetar të lirë të Republikës së Kosovës., thuhet mes tjerash në reagimin e VV-së, transmeton Klan Kosova.
