Trump më Pyeti: A jeni Myslimanë? (VIDEO)

Ambasadorja e Kosovës në SHBA, Vlora Çitaku kishte një takim të rastësishëm me Presidentin e Amerikës, Donald Trump me të cilin foli për Kosovën.

Në një intervistë në emisionin ‘Jeta në Kosovë’ Çitaku rrëfeu për bisedën e shkurtër që kishte pasur me Trump, transmeton Kallxo.com.

“Në takimin e parë me të i cili nuk ka qenë takim, ja kam zënë pritën. I kam thënë mirëmbrëma z. President, unë jam ambasadorja e vendit më pro-amerikan në botë. Edhe ai më tha : Cili kishte me qenë ai vend? I thash Kosova”, tha Çitaku.

Ajo po ashtu tregoi se i kishte rrëfyer Presidentit Amerikan për reagimin e kosovarve ndaj sulmeve terroristë në SHBA.

“A jeni myslimanë ju… a jeni shumica myslimane. I thash që po, ne jemi shumica myslimane por ne kemi edhe të krishterë, kemi edhe ortodoksë dhe mbi të gjitha ne e çmojmë aleancën me popullin amerikan dhe i tregova se si kemi reaguar ne pas sulmeve të 11 shtatorit. Ja thash rrëfimin që kam parë një det me njerëz, djem të ri që donin të shkonin për të luftuar, për ta mbrojtur amerikën”, tregoi Çitaku.

Përballë Jeta Xharrës Çitaku flet po ashtu për problemet e brendshme të ambasadës, aferën ‘Pronto’ dhe çështje të tjera.

Emisionin e plotë ‘Jeta në Kosovë’, mund ta ndiqni në linkun e mëposhtëm:

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP