Ministri Spasovski takoi policen që e sulmoi dje Bekir Asani: ja si ndodhi rasti (FOTO)

Ministri i Punëve të Brendshme i Maqedonisë, Oliver Spasovski sot ka realizuar takim me policen Jasmina Janaçkovska e cila ka treguar se sulmi verbal ndaj saj nisi kur ajo ka dashur ta tërheq veturën e parkuar keq, pronari i të cilit është udhëheqësi i lartë i BDI-së në Çair, Bekir Asani, transmeton Portalb.mk.

Jasmina Janaçkovska
Jasmina Janaçkovska

“Gjatë kryerjes së kontrollës së rregullt kam vërejtur disa veturat të cilat kishin qenë të parkuara në mënyrë të parregullt. Sipas procedurës, veturat i kemi fotografuar dhe filluam me tërheqjen e tyre. Në atë moment ka reaguar një person i panjohur për të cilin më pas kuptova se bëhet fjalë për B.A., dhe filloi të bërtasë. Menjëherë kam thirrur përforcim dhe kanë ardhur një numër i madh i shërbyesve policor”, ka thënë Janaçkovska.

Në pyetjen e Spasovskit se a ka qenë e sulmuar fizikisht, Janaçkovska ka thënë se:” ajo është goditur në dorën e majtë në veturën speciale “marimanga”, por nuk ka marrë lëndime serioze e cila gjë u konstatua edhe në kontrollin mjekësor të Spitalin e Përgjithshëm të Qytetit “Shën Naumi i Ohrit”, thuhet në kumtesën e MPB-së.

Ministri Spasovski, polices Janaçkovska i ka dhënë edhe mirënjohje për punën e kryer në mënyrë profesionale.

Qëllimi i takomit Spasovski – Janaçkovska ka ardhur pasi që kjo e fundit, dje është sulmuar gjatë kryerjes së detyrës së saj dhe që ministri të njoftohet për rastin e djeshëm.

Bekir Asani i BDI-së e ka sulmuar një police, pasi merimanga ka dashur t’ia marrë veturën

Lajme të ngjashme

Leave a Reply

Your email address will not be published. Required fields are marked *

Back to top button