Lëvizja Besa, fraksioni i Gashit: Të sanksionohet korrupsioni në Ministrinë e Kulturës
Në një kumtesë për mediat, fraksioni i Afrim Gashit në Lëvizjen Besa thotë se Programi vjetor për mbështetjen e kulturës i Ministrisë së Kulturës edhe një herë e konfirmoi se mjetet që për vite me radhë është dashur t’u ndahen artistëve, shtëpive botuese, festivaleve e punonjësve të artit, promotorëve të traditës, artit, librit e kulturës shqiptare, sipas tyre, ende vazhdojnë të përfundojnë në xhepat e familjarëve të funksionarëve të qeverisë, njofton Portalb.mk.
“Kjo praktikë e thellon edhe më tepër diskriminimin e kulturës shqiptare, e cila – pos diskriminimit nga ana e sistemit shtetëror – vazhdon të diskriminohet edhe nga ana e funksionarëve të pangopur shqiptarë.” shprehen nga kjo parti.
Sipas tyre, sot po vërtetohen paralajmërimet e tyre se nuk mund të kemi Qeveri reformatore me elementet e trashëguara kriminogjene nga qeveria e kaluar.
“Ku ta dimë, mbase edhe qeveritarët e rinj për model funksionimi i kanë marrë funksionarët e korruptuar të regjimit të kaluar, disa prej të cilëve i kanë kolegë! Prandaj i inkurajojmë organet e drejtësisë për hetimin e korrupsionit dhe urgjentisht të marrin masa, duke e sanksionuar maksimalisht këtë praktikë famëkeqe, ndërsa ministri i Kulturës, nëse dëshiron të dëshmojë se dallohet nga ish ministrat e Kulturës, do të duhet ta anulojë këtë program dhe të kërkojë ndjesë që dikush ka ndërhyrë përsëri për diskriminim të kulturës shqiptare.” shprehen nga kjo parti.
LEXO EDHE:
- Përgënjeshtrohet Ministria e Kulturës nga institucionet në lidhje me projektet e dyshimta
- Aleanca për Shqiptarët kërkon të shpallet i pavlefshëm programi vjetor i Ministrisë së Kulturës
- Skandal: Shoqata “Art” ka fituar 40.000 euro nga Ministria e Kulturës, por nuk ka hapësira pune (VIDEO)
- Dy dekada funksionim, Qendra Teatrore e Fëmijëve ende nuk është institucion i denjë kulturor!
- Si u ndanë paratë për artistët shqiptarë?! Ministria e Kulturës luan “ping-pong” me përgjegjësinë
- Shoqatës pa hapësirë vepruese iu dhanë 40 mijë euro, Ministria e Kulturës: të paraqiten parregullsitë!