Vetëvendosje i kishte vezët mjet të protestës, por sot me të tilla u sulmua Albin Kurti (FOTO)
Vezët ishin mjet i protestës së aktivistëve të Lëvizjes Vetëvendosje nga viti 2015 e tutje.
Kur po raportonte mbi marrëveshjet e fundit të qeverisë në Bruksel, Isa Mustafa, atëkohë kryeministër i vendit, ishte sulmuar me vezë nga Lëvizja Vetëvendosje, raporton KTV.
Ndërsa këtë të premte, kur u diskutua për marrëveshjen e demarkacionit, kryetari i VV-së, Albin Kurti, u bë cak i sulmit me vezë.
Teksa po hynte në objektin e Kuvendit, ai është sulmuar nga një qytetar në protestën në shenjë proteste për mosratifikimin e Demarkacionit.
Këtë protestë para Kuvendit, në shenjë përkrahjeje për marrëveshjen, e ka organizuar një grup i shoqërisë civile.
Protestuesit besojnë që tashmë disponimi i qytetarëve ka ndryshuar dhe shumica e qytetarëve e përkrahin këtë marrëveshje.