Hoxha: Të rritet bashkëpunimi ekonomik dhe shkëmbimi i përvojave me kompanitë gjermane

Kryetari i Odës Ekonomike të Maqedonisë Veri-Perëndimore, Nebi Hoxha, ka pritur sot një delegacion biznesi nga Gjermania të udhëhequr nga Stephanie Sieg – Tirana Business Park, në bashkëpunim me Fatos Mustafa, Kryetarin e FM Consulting nga Tirana, njofton Portalb.mk.

Në përbërje të këtij delegacioni ishin udhëheqës të kompanive gjermane me renome, të cilëve kjo vizitë u mundësoi informacione mbi Maqedoninë si destinacion biznesi, kontakte të reja biznesi, vizita nëpër kompani dhe takime me institucione gjermane e europiane në vendin tonë.

Duke folur për mundësitë e bashkëpunimit, kryetari Hoxha ka theksuar se vendet tona kanë kapacitete dhe mundësi të shumta të bashkëpunimit dhe paraqitjes së përbashkët në projektet e ndryshme ndërkombëtare dhe e vlerësoi të nevojshëm bashkëpunimin e dy shteteve në nxitjen e investimeve të huaja, për të ndikuar në zhvillimin e turizmit në tregun e përbashkët në vendet e Ballkanit dhe më gjerë.

Delegacioni gjerman shprehu interesimin e veçantë për të njohur dhe kuptuar në hollësi hapësirat e bashkëpunimit në sektorët strategjikë dhe gjendjen aktuale të ekonomisë në Maqedoni. Të dy palët u pajtuan se bashkëpunimi në të gjitha nivelet, institucional, universitar e atë të zhvillimit të prodhimit e teknologjisë është i shumëpritur e në një masë të madhe dhe i domosdoshëm.

Ky takim mbahet si rezultat i marrëdhënieve tashmë të vendosura dhe të mira midis përfaqësuesve të të dyja vendeve me qëllim rritjen e bashkëpunimit ekonomik dhe shkëmbimin e përvojave midis Shqipërisë – Gjermanisë – Maqedonisë.

Sipas programit, pas pjesës zyrtare u mbajtën edhe takime B2B.

One thought on “Hoxha: Të rritet bashkëpunimi ekonomik dhe shkëmbimi i përvojave me kompanitë gjermane

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP