Air France në grevë, anulohen fluturimet ndërkombëtare

Për shkak të grevës së nisur nga punonjësit e kompanisë ajrore francezë Air France për të protestuar ndaj kushteve të punës dhe politikës së pagave, janë anuluar gjysma e fluturimeve ndërkombëtare me distancë të largët me nisje nga Franca, transmeton Anadolu Agency (AA).

Në një deklaratë nga 10 sindikata të ndara që përfaqësojnë punonjësit e Air France, është njoftuar se kanë marrë vendimin për grevë, për të protestuar për kushtet e punës që ofron kompania dhe me kërkesën për të rritur pagat me 6 për qind.

Në deklaratën ku rikujtohet se në 8 vitet e fundit, janë pushuar nga puna 15 mijë punonjës në Air France, thuhet se kompania ka treguar si arsyetim përkeqësimin e kushteve ekonomike të kompanisë dhe se kjo situatë tashmë “është bërë e padurueshme”.

Gjithashtu edhe pilotët, ekipet e fluturimeve dhe punonjësit e shërbimeve të tjera të lidhur me Sindikatën e Pilotëve të Air France (SPAF) dhe të gjithë sindikatat e tjera kanë njoftuar se do të zhvillojnë një protestë në qendrën e përgjithshme që ndodhet në Roissy.

Ndërkohë që drejtuesit e Air France kanë njoftuar se për shkak të grevës me një pjesëmarrje të lartë janë anuluar 50 për qind e fluturimeve ndërkombëtare me distancë të largët me nisje nga Franca.

Kompania njoftoi gjithashtu se nuk do të mund të realizohen edhe një pjesë e rëndësishme e fluturimeve të brendshme.

Franck Terner, drejtori i përgjithshëm i Air France, në një deklaratë në kanalin televiziv France Info, argumentoi se është e pamundur që punonjësit të marrin një rritje page prej 6 për qind, duke u shprehur se “Air France nuk ka asnjë mundësi për të përmbushur këtë kërkesë”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP