Ministri i Jashtëm i Rusisë, Lavrov: Në Maqedoni po shkelet Marrëveshja e Ohrit

Ministri i Punëve të Jashtme të Rusisë, Sergej Lavrov, pas takimit të mbrëmshëm me presidentin e Seribë, Aleksandar Vuçiq në Beograd, në konferencë për shtyp ka folur për situatën në Maqedoni, në kontekst, të ashtu siç tha “idetë e mëdha shqiptare”, njofton Portalb.mk.

Duke u përgjigjur në pyetje gazetareske në lidhje me Kosovën dhe pasivitetin e BE-së rreth “ideve të mëdha shqiptare”, Lavrov tha se “gjithsesi nuk mund të mos e shqetësojë pasiviteti i BE-së rreth iniciativës që është paraqitur nga Tirana, siç tha ai, e ashtuquajtura Platforma e Tiranës, e cila sipas tij, plotësisht është thirrje publike për krijim të Shqipërisë së madhe.

“Ja para ca kohësh, kur në Maqedoni ka pasur zgjedhje parlamentare, kryetari i Parlamentit, në kabinetin e tij vendosi flamur shqiptar – në Maqedoni. Këto ditë, shefi i qeverisë shqiptare, Edi Rama, me krenari deklaroi se mu ai nga Shqipëria e ka iniciuar ligjin në Parlamentin e Maqedonisë, i cili gjuhës shqipe në Maqedoni i jep status të gjuhës shtetërore. Në këtë mënyrë po shkelet Marrëveshja e Ohrit, të cilin të gjithë me lehtësim e tejkaluam, pasi që e lehtësoi krizën në Maqedoni përpara shumë viteve”, deklaroi ministri i Punëve të Jashtme të Rusisë, Lavrov.

Ai ka konstatuar se edhe nëse tani “rrëzohen këto të arritura, që aq rënë i kemi harmonizuar edhe në Maqedoni, edhe në Bosnje ose kudo tjetër në Ballkanin Perëndimor, atëherë do të ketë bazë që ta lusim BE-në që të japë raport se në çfarë mënyre ato i plotësojnë vendimet e tyre dhe sa përgjigjen në besueshmërinë, të cilët bashkësia ndërkombëtare ua ka dhënë”.

Kjo nuk është gjendje e lehtë, përfundoi Lavrov, duke e sqaruar qëndrimin rus për mospranim të shtetësisë së Kosovës dhe dialogun në Bruksel mes Beogradit dhe Athinës, i cili sipas Lavrovit, ngadalë po realizohet për shkak të pasivitetit të BE-së.

Lavrov thotë se është gabim zgjerimi i NATO-s drejt Maqedonisë

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP