Shkëndija mori atë që deshi në Shkup

Sot në kuadër të çerekfinales të Kupës së Maqedonisë, u takuan Vardari dhe Shkëndija, ndeshje kjo e luajtur në stadiumin nacional në Shkup.

Edhe një herë ky duel dëshmoi se dy ekipet ë lartpërmendura, Vardari dhe Shkëndija jo rastësisht janë konkurrente të vetme për titull, pasi që po zhvillojnë ndeshje mjaft atraktive.

Por në ndeshjen e parë që u luajt sot në Shkup, Shkëndija kishte më shumë nga loja dhe nga rastet, por sigurisht se është ndarë e kënaqur edhe me barazimin, pasi ndeshja e kthimit do të luhet në Tetovë me 7 mars.

Shkëndija e para kaloi në avantazh me golin e Besart Ibrahimit në minutën e 63-të, ndërsa Vardari u kundërpërgjigj me golin e Huan Felipes në minutën e 79-të.

Duhet potencuar se edhe në këtë ndeshje tifozët e Vardarit, “Komiti” kishin anim jo korrekt duke fyer në bazë etnike shqiptarët me parullat e mësuara tani më si: “Shqiptar i mirë, shqiptar i vdekur”, “Dhoma gazi për shqiptarët” etj. Nuk ka ndihmuar as vërejtja e spikerit zyrtar që të ndalen këto ofendime dhe tani topi hidhet në komisionin disiplinor i cili duhet marrë masa për këto ofendime në bazë nacionale. /Portalb.mk/

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP