Pesë ish anëtarë të KSHZ-së do të marrin nga 1.000 euro për 12 muaj

Aleksandar Çiçakovski, Violeta Duma, Igor Milev, Silvana Boneva dhe Subhi Jakupit – këto janë emrat e pjesëtarëve të Komisionit Shtetëror Zgjedhor të cilët në fund të dhjetorit të vitit të kaluar dhanë dorëheqje nga posti, por që sot kanë fituar apanazh nga Kuvendi i Maqedonisë, njofton Portalb.mk.

Këtë vendim, sot e miratoi Komisioni Kuvendor për Zgjedhje dhe Emërime, sipas të gjitha gjasave në pikën e rendit të ditës “të ndryshme”, pasi që e njëjta nuk ekziston në rend dite në “Informatorin e përditshëm”, të Kuvendit.

Pa apanazh do të ngele, Rexhep Prekopuca, Atanas Urumov dhe Sasho Srcev, pasi që ata kthehen në punët e mëparshme.

Me marrjen e apanazhës, anëtarëve të deritashëm të KSHZ-së do t’u mundësohet marrje e rrogës deri në një vjet në vlerë prej 1,000 eurove, duke deponuar edhe rreth 12 mijë euro në llogarinë e tyre bankare.

Përndryshe, pas skandalit me 9 rrogat të Komisionit Shtetëror Zgjedhor në Maqedoni i cili ngjalli debat të ashpër në opinion, tetë prej nëntë anëtarëve të KSHZ-së dhanë dorëheqje.

Në ndërkoh, KSHZ nuk është e kompletuar, ndërkaq sot u prolongua votimi i shpalljes së Kuvendit për anëtarë të rinj.

U realizuan parashikimet e Milloshoskit, kompletimi i KSHZ-së u prolongua

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP