Komuna e Radovishit e ka shfuqizuar tenderin për “figaro” për flokë, kryetari fshihet

Kryetari i Komunës së Radovishit, Gerasim Konzullov, e ka shfuqizuar tenderin për furnizim të 45 pajisjeve për kujdes të flokëve – figaro, të cilat do të shfrytëzoheshin për të punësuarit. Shfuqizimi i tenderit vjen pasi që sot u publikua lajmi se Radovish do të paguaj 42.300 denarë për këto pajisje për flokë, të cilat do t’ua dhurojë grave të punësuara në komunë me rastin e 8 marsit, njofton Portalb.mk.

Në sqarimin e komunës, të publikuar në faqen e Byrosë për Furnizime publike, thuhet se procedura është e shfuqizuar për shkak të rrethanave të paparashikuara, me çka janë ndryshuar nevojat e Komunës Radovish.

Në mëngjes, kryetari Gerasim Konzullov, nuk ka  dashur që të përgjigjet se pse me paratë e komunës blenë dhurata për të punësuarit. Të kontaktuar nga “Makfax”, nga kabineti i tij, nuk kanë dashur të komentojnë se pse Konzullov dhuratat nuk i ka paguar me paratë e tij. Sekretaresha, pasi që e ka dëgjuar pyetjen e ka mbyllur telefonin dhe më nuk e ka hapur.

Tenderi për dhurata vjen dy muaj pasi që kryetari Konzullov u ankua se komuna ka shumë borxhe dhe nuk e di se si t’i paguajë. Ai tregoi se Radovish është në borxh për plot 37 milionë denarë, ndërkaq çdo ditë arrijnë vendime gjyqësore për pagesë. Duke folur për gjendjen e rëndë financiare, Konzullov tha se komuna gjithashtu ka edhe kredit prej mbi 1 milion euro, ndërkaq 19 milionë denarë është sigurisht në kredit të marrë nga Ndërmarra Publike Komunale “Plavaja”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP