Krahu i Kasamit, me 505 delegatë do ta zgjedh kryetarin e Lëvizjes BESA

“Për në Kongres janë të evidentuar gjithsej 505 delegatë me një shpërndarje territoriale në bazë të proporcionit që është i paraparë me Rregulloren për organizimin e kongresit”, këtë sot e deklaroi në konferencë për shtyp, zëdhënësi i Lëvizjes BESA, Abdush Demiri, nga krahu i kryetarit aktual, Bilall Kasami, njofton Portalb.mk.

“Pas thuajse një muaj aktivitet në ngritjen e strukturave që nga niveli i nëndegëve dje u rrumbullakua procesi i formimit të degëve të Lëvizjes Besa me këtë u përmbyll edhe procesi i delegimit të delegatëve në Kongresin e parë të partisë i cili do mbahet më 24 shkurt. Sot po dalim para jush për hir të transparencës të gjithë këtij procesi që të shpallim të hapur edhe afatin për dorëzimin e kandidaturave për Kryetar të partisë”, tha Demiri.

Pasi tanimë dihet lista e delegatëve, Demiri u bëri thirrje të gjithë kandidatëve që të bëjnë grumbullimin e nënshkrimeve dhe të garojnë për postin e kryetarit të partisë.

“Çdo kandidat mund të konkurrojë duke grumbulluar së paku 1/10 (një të dhjetën) e nënshkrimeve të delegatëve dhe të njëjtat t’i dorëzojë te Komisioni për Organizimin e Kongresit. Verifikimi i kandidaturave do të bëhet në ditën e kongresit nga komisionet përkatëse”, shtoi Demiri.

No automatic alt text available.

Ndryshe, Lëvizja BESA tanimë është ndarë në dy grupe – ata që janë “për” dhe “kundër” Bilall Kasamit për kryetar. Kjo ndarje u “institucionalizua”, pasi që me 18 shkurt 2018 u mbajt kongres paralel, të thirrur nga grupi i cili nuk e përkrah BIlall Kasamin, dhe të cilët e zgjodhën për kryetar, ish sekretarin e partisë dhe deputetin aktual, Afrim Gashi.

Tetovë, Afrim Gashi u zgjodh kryetar i partisë Lëvizja BESA, ja çfarë tha ai (VIDEO)

Ndryshe, BESA e “Kasamit” e publikoi vendimin e Gjykatës Themelore Shkupi 2 në të cilën thuhej se refuzohet ankesa për të bërë lider të përkohshëm partie, Nexhbedin Karemanin.

Pas kësaj reaguan nga BESA e “Karemanit” duke thënë se kontesti për të fituar legalitetin e lëvizjes nuk ka përfunduar dhe se do të zgjidhet pas Kongresit të Lëvizjes Besa.

Kjo parti hapi edhe seli të reja, njëra u hap në Tetovë nga grupi i “Karemanit” dhe tjetra në Shkup nga grupi i “Kasamit”.

Përçarjet në BESA ndikuan edhe në grupin parlamentar të kësaj partie, grupi i “Gashit” ka tre deputetë, ndërkaq ai i “Kasamit” ka dy deputetë. Megjithatë, të dy grupet në opinion thonë se veprimtaria e tyre në Kuvend do të jetë e përbashkët.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP