Kosovë: Seanca për Demarkacionin mbahet të dielën
Kryesia e Kuvendit ka vendosur që të dielën të mbahet seanca e jashtëzakonshme për projektligjin për ratifikimin e marrëveshjes me Malin e Zi.
Deputetja e Vetëvendosjes së Albulena Haxhiu, siç njofton Kosovapress, pas mbledhjes tha se Kryesia vendosi pa kuorum që seanca të mbahet më 18 shkurt në orën 18:00, përcjell MIA.
“Lëvizja Vetëvendosje edhe sot në mbledhjen e Kryesisë kundërshtoi këtë qasje, kundërshtova tendencën për të ratifikuar një marrëveshje që i falë 8.200 hektarë tokë Malit të Zi. Marrëveshja mes Thaçit dhe Vujanoviqit është një mashtrim për qytetarët e Kosovës”, tha Haxhiu.
Sipas deputetes Haxhiusë sigurisht që Lëvizja do të kundërshtojë marrëveshjen për Demarkacionin, por për veprimet që do t’i ndërmarrin duhet të mblidhen për t’i definuar ato.
