Maqedonia dëshiron të organizojë KE në Hendboll në 2022

 Federata Evropiane e Hendbollit (EHF) publikoi kandidatët për organizimin e Kampionatit Evropian 2022 dhe 2024 të hendbollit dhe 2022 për hendbollistet, raporton Anadolu Agency (AA).

Ofertë të përbashkët për organizimin e KE në vitin 2022 për hendbollistet kanë dërgur Sllovenia, Maqedonia dhe Mali i Zi, kështu që gjasat janë që këto tre vende nga rajoni të marrin organizimin.

Interes shumë më të madh kanë treguar federatat kombëtare për të organizuar turneun final në garën e meshkujve. Kështu, EURO 2022 duan ta organizojnë Belgjika, Spanja dhe Franca, pastaj Danimarka dhe Zvicra, Hungaria dhe Sllovakia.

Interes të përbashkët për organizimin e kampionatit të vitit 2024 kanë treguar Danimarka dhe Zvicra, Hungaria dhe Sllovakia, ndërsa si e vetme ka aplikuar Gjermania.

Për organizimin e Kampionatit Evropian 2024 për hendbolliste deri më tani askush nuk ka shprehur interesim, thonë nga EHF.

Organizatorët e kampionatit 2022 dhe 2024 do të përcaktohen në Kongresin EHF-së, i cili do të mbahet më 18 dhe 19 qershor të këtij viti në Glasgow.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP