Brenda jahteve luksoze që janë në pronësi të yjeve dhe presidentëve të klubeve në botën e futbollit

Në ditët e sotme të jesh futbollist është një profesion mjaft profitabil.

Lojtarët më të mirë mund të përballojnë një jetë luksoze, ku në pronësi të tyre kanë aeroplanë dhe jahte luksoze. Kur ata janë të liruar nga detyrat e profesionit ata shpesh herë ndajnë me publikun disa imazhe nga jeta e tyre, transmeton Telegrafi.

Këtë herë kemi lënë anash aeroplanët, veturat dhe shtëpitë luksoze dhe jemi ndalur te jahtet, më poshtë keni më të mirat.

5.Wayne Rooney

Modeli: Pershing 90

Vlera: 3 milionë funte (3.38 milionë euro)

‘Pershing 90’ ka pesë dhoma gjumi, pesë banja, një dhomë për media dhe mund të akomodojë tetë njerëz.

U ndërtua në vitin 2013 dhe është 27.7 metra i gjatë.

4.David Beckham

Modeli: Horizon E88

Vlera: 3.8 milionë funte (4.28 milionë euro)

Nofka e E88 në botën e jahteve është “Zonja e Sofistikuar”, gjë që i shkon shumë Beckhamit.

Ka hapësirë për tetë njerëz dhe mund të arrijë shpejtësinë deri në 64 kilometra për orë. Ashtu siç mund ta imagjinoni ajo ka edhe një fitnes në bord që e gjitha familja të qëndrojë në formë.

Ajo është e gjatë 28.6 metra dhe ka katër dhoma gjumi, si dhe dy dhoma tjera të ndara, kështu që familja Beckham mund të ketë privatësinë e duhur.

3.Sergio Ramos

Modeli: Fairline Squadron 78

Vlera: 4.8 milionë euro (5.4 milionë euro)

Para finales së Ligës së Kampionëve për vitin 2017, ylli i Real Madridit kishte kaluar disa ditë në këtë jaht luksoz.

Ai kishte ftuar edhe Luca Modricin dhe Lucas Vazquezin që të relaksoheshin së bashku në Ibiza para ndeshjes së madhe.

Është pak më e vogël se të tjerat (24.3 metra), por Squadron 78 nuk i mungon asgjë.

Ka katër kabina, dy shtretër dobio dhe mund të arrijë një shpejtësi deri në 61 km/h. Por, edhe jet-skit për ta bërë pushimin ma atraktiv.

2.Cristiano Ronaldo

Modeli: Palmer Johnson Ascari

Vlera: 7.5 milionë funte (8.4 milionë euro)

Ai është një nga më të mirët në histori të futbollit, së fundmi ka festuar ditëlindjen e 33-të dhe atij i pëlqen t’i bëjë gjërat në mënyrën më luksoze të mundshme.

Ja pse jahti 28 metra i gjatë është i pajisur me disa gjëra shtesë, një nga ato është edhe një dhomë VIP.

Përveç asaj, ajo ka hapësirë të mjaftueshme që nëntë të ftuarit të akomodohen sa më mirë.

1.Lionel Messi

Modeli: Maiora Seven C

Vlera: 10 milionë funte (11.2 milionë euro)

Mund të ketë mëdyshje se argjentinasi është futbollisti më i mirë që ka parë bota e futbollit, por kur vjen puna te jahti, këtu nuk ka mëdyshje.

Messi është një adhurues i Ibizas, atij i pëlqen të kalojë kohë në Maiora Seven C.

Jahti ka të njëjtën madhësi si të Ronaldos, 28 metra dhe mund të arrijnë shpejtësi 40 km/h.

Tani i vije radha presidentëve, aty ku milionat janë vetëm një numër.

Sheikh Mansour

Modeli: Topaz

Vlera: 400 milionë funte (450 milionë euro)

‘Topaz’ është jahti i pestë më i madh në botë dhe është 130 metra i gjatë. Është i ndërtuar në Gjermani nga Lurssen Yachts, ka tetë kate, dy heloidromë, tri pishina, fitnes, jakuzi dhe kinema.

Ky jaht është aq fantastik sa ishte huazuar nga Leo DiCaprio, kur ylli i Hollywoodit vizitoi Brazilin për Kupën e Botës me shokët e tij.

Roman Abramovich

Modeli: Eclipse

Vlera: 1.5 miliard funte (1.7 miliard euro)

Vlera e tij është sa një e dhjeta e pasurisë së presidentit të Chelseat, ‘Eclipse’ është jahti i dytë më i madh në botë.

Është 162 metra i gjatë, ka 24 kabina për mysafirë, dy pishina të mëdha për not, disa pishina të vogla me ujë të nxehtë dhe një klub nate.

Për të mirëmbajtur këtë gjigant duhen 70 njerëz, ndërsa ajo për lundrim për herë të parë është lëshuar në vitin 2009.

Ajo qëndron afër shtëpisë luksoze të Abramovichit në St. Barts dhe qëndron në gatishmëri për atë kur ai dëshiron.