Terroristët e DEASH-it pranojnë bashkëpunimin me regjimin e Asadit

Pjesëtarët e organizatës terroriste DEASH, të cilët ushtria opozitare i kapi gjatë tentimit për të hyrë në “zonën jokonfliktuale” në Idlib, gjatë marrjes në pyetje pranuan se janë nisur për bashkëpunim me regjimin e Asadit, raporton Anadolu Agency (AA).

Terroristët e DEASH-it gjatë marrjes në pyetje kanë pranuar se gjatë nisjes nga Hama drejt Idlibit forcat e regjimit dhe avionët rusë kanë qëlluar forcat opozitare, ku DEASH-i nuk ka qenë në objektivin e tyre.

Ushtarët opozitarë fshehin informacionet se ku momentalisht gjenden terroristët, për shkak të mundësisë që Asadi mund të kryejë sulme mbi lokacionin.

Ekipe të AA-së arritën të regjistrojnë transportimin e një grupi të terroristëve të kapur.

Ushtria opozitare siriane dje kapi së paku 400 terroristë të DEASH-it, gjatë përleshjeve me pjesëtarët e kësaj organizate të cilët përmes korridorit që ua hapi regjimi i Asadit synonin të hyjnë në “zonën jokonfliktuale” në Idlib.

Regjimi i Asadit dhe terroristët e DEASH-it tashmë një kohë të gjatë zbatojnë bashkëpunim taktik kundër opozitës në “zonën jokonfliktuale” të luftimeve në Idlib.

Regjimi në tetor të vitit 2017 hapi rrugën terroristëve të DEASH-it përmes Hunayfia, në lindje të Hama, për të arritur deri te rajoni në këtë qytet që është nën kontroll të opozitës.

DEASH-i dhe regjimi i Asadit, në koordinim dhe falë mbështetjes së Rusisë nga ajri, realizuan përparim të konsiderueshëm kundër grupeve opozitare.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP