Neymar, te Reali në vitin 2019 për “Topin e Artë”

Viti 2019 pritet të jetë me plot zhvillime për Realin e Madridit. Atëherë, Cristiano Ronaldo do të jetë plot 34 vjeç, e sigurisht që ndryshimi në repartin e sulmit të “Los Blancos”-ve është i pritshëm.

Por, ajo që bën më shumë bujë është zbulimi i të përditshmes spanjolle, “Mundo Deportivo”, sipas së cilës Neymar, braziliani që aktualisht luan me PSG-në pas kalimit atje prej 222 mln eurosh nga Barcelona verën e vitit të kaluar, transmeton TCH.

Sipas medies katalanase, “O Ney” synon të bëhet numri 1 i botës duke luajtur në La Liga, kampionati më i përshtatshëm për karakteristikat e tij. Duke qenë numri 1, fokusi është pikërisht te “Topi i Artë”.

Tani për tani mbetet një thashethem, por vlen të theksohet se Neymar ka në favorin e tij një peshë të madhe, presidentin e Realit Florentino Perez, i cili prej kohësh është admirues i brazilianit.

Lajmi zbulohet në një moment tepër domethënës, pasi sot në mbrëmje do të zhvillohet sfida mes Realit të Madridit dhe Paris SG, në “Bernabeu”, sfidë e vlefshme për 1/8-at e Champions League.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP