Ka paqe te Lazio, Anderson kërkon falje, Inzaghi e kthen në skuadër
Felipe Anderson ka kërkuar falje dhe është rikthyer në skuadër, pasi u la jashtë në transfertën e së shtunës, që Lazio luajti në Napoli, transmeton TCH.
Braziliani ka qenë agresiv në stërvitjen e ditës së premte dhe pasi debatoi me trajnerin, deri në prekje me duar, është larguar nga stërvitja dhe nuk ka udhëtuar me skuadrën, i përjashtuar për arsye disiplinore.
Anderson ka kërkuar falje dhe trajneri Simone Inzaghi e ka rikthyer në skuadër të hënën pasdite. Me shumë gjasa, Anderson do të udhëtojë me skuadrën drejt Bukureshtit, ku Lazio të enjten do të përballet me Steauan për 1/16 e Europa League.
Gjithsesi, Felipe Anderson do ta nisë nga stoli, ndërsa favoritë për formacionin janë Caicedo dhe Nani.
