Gruaja e djalit të Trumpit dërgohet në spital

Gruaja e djalit të presidentit të Shteteve të Bashkuara, Donald Trump, është dërguar në spital pasi ka hapur një zarf me pluhur të bardhë, bëri të ditur policia.

Letra i është adresuar Donal Trump Jr, djalit të madh të presidentit, në apartamentin e tij në Menhatën, transmeton REL.

Vanessa Trump dhe dy të tjerë në vendin e ngjarjes janë dekontaminuar nga zjarrfikësit dhe janë dërguar në spital për ekzaminim.

Policia në Nju Jork ka thënë se e ka testuar pluhurin e bardhë në zarf dhe ka konfirmuar se nuk ka qenë i rrezikshëm.

Policia ka thënë se zonja Trump nuk duket se ka prekur fizikisht substancën.

Trump Jr ka shkruar më pas në Twitter se familja e tij është mirë, ndërsa incidentin e ka cilësuar si “të neveritshëm”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP