Shfuqizimi i paraleleve në malësinë e Karshiakës, përplasje mes Sadikit dhe Memedit

Lëvizja BESA e akuzon kryetarin e Studeniçanit, Azem Sadikin se në shkollën e fshatit Vërtekicë se e ka shfuqizuar paralelen në gjuhën shqipe, sipas tyre, për shkak të arsyeve politike. Kryetari i Studeniçanit, ashtu siç thonë nga BESA, e ka larguar nga puna mësuesin i cili nuk ka qenë me partinë e tij, kështu që në vend të dy paraleleve në gjuhën shqipe, tani nxënësit janë bashkuar në një paralele me më shumë nxënës nga gjeneratat e ndryshme, njofton Portalb.mk.

Ka revoltë te qytetarët, prindërit nuk i lëshojnë nxënësit të shkojnë në shkollë për më shumë se tre javë. Në paralele ka dy fëmijë prej të parën deri në klasën e pestë, ndërkaq tani numri është dyfishuar, që është në dëm të kualitetit të procesit arsimor. E informojnë, Inspektoratin e Arsimit dhe kërkojmë nga ministrja e Arsimit, Renata Deskoska që ta shfuqizojë vendimin”, deklaroi deputeti Rexhep Memedi nga Lëvizja BESA.

Nga ana tjetër, kryetari i Komunës së Studeniçanit, Azem Sadiki në një deklaratë për Portalb.mk, thotë se shkurtimi i paraleleve nuk është bërë vetëm në Vërtekicë, por edhe në fshatra tjera ku numri i nxënësve është mjaft i ulët, ndërkaq hedh poshtë akuzat e Memedit se kjo çështje është bërë për shkaqe politike.

“Me qëllim të reduktimit të harxhimeve, duke e pasur parasysh edhe përkufizimin e bllok dotacioneve, Komuna e Studeniçanit i ka reduktuar përkohësisht paralelet në disa fshatra. Kjo gjë është bërë sipas ligjit, Inspektorati i Arsimit dhe Shkencës ka dalë në terren dhe e ka konfirmuar gjendjen. Kemi informata se në vitet e ardhshme do të ulet edhe më shumë numri i nxënësve, andaj jemi të detyruar të bëjmë paralele të kombinuara me qëllim të zvogëlimit të harxhimeve. Nuk janë të vërteta akuzat e Memedit se mësuesi në Vërtekicë është larguar për shkak të dallimeve politike, pasi që nuk është shfuqizuar vetëm paralelja e Vërtakicës, por edhe në disa fshatra tjera”, thotë Sadiki.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP