Janë shpëtuar gjashtë skiatorët që kanë humbur në Kodrën e Diellit

Gjashtë skiatorë të cilët dje kanë humbur në Kodrën e Diellit, janë gjetur dhe shpëtuar mbrëmë rreth orës 21, kumtoi MPB.

Zhdukjen e tyre dje në Sektorin e policisë  Kodra e Diellit e kanë denoncuar 30-vjeçari F.R. nga fshati Lisec i Tetovës dhe M.Z. shtetas nga Kosova.

Gjashtë skiatorët, dy nga të cilët kosovarë dhe katër shtetas të Maqedonisë, rreth orës 14 e 30 minuta me teleferik janë ngjitur në “Ceripashinë” dhe pastaj janë lëshuar përmes shtegut Jelak. Por, për shkak të mjegullës së dendur kanë humbur në një pjesë të panjohur të pyllit, dy kilometra në veri të vendit “Stanet e Shipkovicës” mbi fshatin Veshallë.

Menjëherë është organizuar kërkim dhe rreth orës 21 janë gjetur të gjallë dhe shëndoshë në vendin “Studorek” në afërsi të “Staneve të Shipkovicës”, ndërsa me automjet për pastrimin e borës janë dërguar në Sektorin e policisë Kodra e Diellit, informoi MPB.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP