Çështja siriane, bisedimet me Turqinë do jenë të vështira për Tillerson

Sekretari amerikan i shtetit, Rex Tillerson, pret bisedime të “vështira” gjatë turneut të tij në Lindjen e Mesme, e veçanërisht në Turqi, ku ai do të kërkojë nga aleati në NATO, që të tregojë “përmbajtje” gjatë ofensivës së vet ushtarake në pjesën veriore të Sirisë, kanë thënë zyrtarët amerikanë,tranmeton REL

Gjatë ditës së djeshme, zyrtarët i kanë njoftuar gazetarët për vizitën e Tillersonit prej 11 e deri më 16 shkurt, gjatë së cilës ai do të qëndrojë edhe në Jordani, Liban, Egjipt dhe Kuvajt.

Përkundër vërejtjeve të Shteteve të Bashkuara, Turqia më 20 janar e ka lancuar një operacion ajror dhe tokësor kundër pjesëtarëve të Njësiteve të Mbrojtjes Popullore Kurde në Siri (YPG), në rajonin Afrin të Sirisë.

Por, aleatët perëndimorë të Turqisë kanë punuar së afërti me luftëtarët YPG në betejat kundër militantëve të grupit ekstremist, Shtetit Islamik, dhe konsiderojnë se YPG nuk është grup terrorist.

Ankaraja thotë se YPG ka lidhje me Partinë Punëtore të Kurdistanit, e cila nga Turqia, Shtetet e Bashkuara dhe Bashkimi Evropian, konsiderohet grup terrorist.

Lajme të ngjashme

Leave a Reply

Your email address will not be published. Required fields are marked *

Back to top button