Pse dita ditës ndihemi kaq shumë të lodhur?

Të gjithë ndihemi shumë të lodhur ose jemi të mbingarkuar me punë herë pas here. Këto raste të lodhjes së përkohshme/ kalimtare kanë shkaktarë të identifikueshëm dhe një trajtim të mundshëm.

Lodhja rraskapitëse në anën tjetër zgjat më shumë dhe nuk kalon me një pushim. Është një gjendje e vazhdueshme lodhjeje që zhvillohet me kalimin e kohës duke na shteruar energjitë, motivimin dhe përqendrimin. Lodhja në këtë nivel ndikon në gjendjen emocionale dhe psikologjike të gjithsecilit.

Shkaqet

Në të shumtën e rasteve lodhja lidhet me rutinën e përditshme, veçanërisht me mungesën e aktivitetit fizik. Ndjesia e lodhjes është e lidhur dhe me depresionin, por në raste të tjera është simptomë e gjendjeve shëndetësore që trajtohen me medikamente.

Faktorët e mënyrës së jetesës

Renditja e faktorëve që mund të jenë përgjegjës për ndjesinë e lodhjes shpeshherë është hapi i parë drejt lehtësimit. Lodhja mund të lidhet me:

  • Përdorimin e alkoolit dhe drogave
  • Aktiviteti fizik i tepërt
  • Trazira nga ndryshimet e orareve
  • Aktivitet i pakët fizik
  • Mungesë të gjumit
  • Ushqyerja jo e shëndetshme

Gjendjet shëndetësore

Lodhja rraskapitëse mund të jetë shenjë e një gjendje shëndetësore ose efekt i përdorimit të drogave apo të ndonjë terapie, siç janë:

  • Problemet akute të mëlçisë
  • Anemia
  • Ankthi
  • Kanceri
  • Sindroma e lodhjes kronike
  • Infeksioni kronik
  • Sëmundja kronike e veshkave
  • Tronditjet
  • Sëmundja pulmonare obstruktive kronike
  • Depresioni
  • Diabeti
  • Emfizema
  • Fibromialgjia
  • Hidhërimi
  • Sëmundjet e zemrës
  • Hipotiroidizëm
  • Hipertiroidizëm
  • Sëmundja inflamatore e zorrëve
  • Mjekimet dhe trajtimet siç janë: kimioterapia, terapia me rrezatim, medikamentet e zemrës dhe anti-depresantët
  • Sklerozë të shumëfishtë
  • Obeziteti
  • Dhimbjet të vazhdueshme
  • Apnea e gjumit
  • Stresi
  • Dëmtimet traumatikë në tru

Kur duhet të paraqiteni tek mjeku

Kërkoni ndihmë mjekësore nëse lodhja lidhet me problemet e shëndetit mendor dhe në simptomat përfshihen:

  • Mendime për të dëmtuar veten ose vetëvrasje
  • Mendime për të lënduar të tjerët

Gjithashtu, kërkoni kujdes mjekësor nëse lodhja lidhet me:

  • Dhimbje në kraharor
  • Vështirësi në frymëmarrje
  • Rrahjet e shpejta dhe jo të rregullta të zemrës
  • Ndjesia e të humburit të ndjenjave
  • Dhimbje të forta në kurriz, barkë dhe legen

Kërkoni t’ju shoqërojnë në emergjencë nëse:

  • Keni gjakderdhje jonormale, duke përfshirë gjakderdhje nga zorra e trashë ose të vjellat me gjak.
  • Dhimbje koke të forta

Lini një takim me mjekun nëse: Lodhja vazhdon të jetë e njëjtë edhe pas disa javësh, ndonëse jeni përpjekur të pushoni, të ulni  nivelet e stresit, të mbani një dietë të shëndetshëm dhe të pini shumë lëngje.

Burimi: Mayo Clinic / Shendeti.com.al 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP