Bejta: Taravari ka dashur ta vret Selën (VIDEO)

“Arben Taravari ka dashur ta vret Ziadin Selën”, kjo ishte akuza e sotme e ish kryetarit të Komunës së Gostivarit, me rastin e 100 ditëshit të parë të udhëheqësisë së re të komunës, raporton Portalb.mk.

Këto akuza, Bejta i ndërlidh, që sipas tij, Taravari, gjatë kohës që ka qenë ministër i Shëndetësisë ka bashkëpunuar me persona të afërt me ish deputetin Kërsto Mukoski, i cili aktualisht ndodhet në paraburgim për shkak të hapjes së dyerve të Kuvendit në natën e përgjakshme të 27 prillit.

“Duhet ta dijë opinioni se më 14.09.2017, ndërmarrjes Via Vevçani nga Struga Arben Taravari i ka lëshuar 22 milion e 832 mijë denarë apo mbi 370 mijë euro. Kjo firmë është në emër të Gjoko Ugrinovskit, i cili është person i afërt i deputetit Kërsto Mukoski të VMRO-DPMNE-së i cili deputet i hapi dyert e parlamentit për ta rrahur deri në vdekje Ziadin Selën, kryetarin e Taravarit dhe sot ky deputet ndodhet në burg. E tash del në sipërfaqe se kush dëshironte ta vret Ziadin Selën, ai i cili bashkëpunoi si ministër me strukturat e VMRO-së, me vrasësit e Ziadin Selës. Vrasës del të jetë Taravari, për shkak se ai ka plane të veta në partinë Aleanca për Shqiptarët”, tha Bejta.

Ndaj akuzave të tij, ka reaguar kryetari aktual i Gostivarit, Arben Taravari, i cili tha Bejta nuk ka kredibilitet që të flet për ne pasi që aj ka qenë ish ministër i Nikolla Gruevskit dhe bashkëpunëtor i ish kryespiunit Sasho Mijallkovit, ndërkaq në lidhje me bashkëpunimin e tij me VMRO-DPMNE, ai tha se gjatë kohës së tij që ka qenë ministër, nuk është realizuar asnjë tender.

“Derisa kam qenë ministër asnjë tender nuk e kam realizuar

“Ish ministri i Nikolla Gruevskit dhe ish miku i Sasho Mijallkovit, N.B., më akuzon mua se paskam bashkëpunuar me ndonjë ndërmarrje të VMRO-së, që s’ka lidhje, s’është e vërtetë. Dua të them me plot përgjegjësi se derisa kam qenë ministër i Shëndetësisë, flas për 110 ditë, asnjë tenderë nuk është realizuar edhe s’ka pasur bashkëpunim të tillë. Nuk ka krediblitet një njeri që ka qenë ministër ish pushtetit, një njeri i cili në vitin 2013 është zgjedhur kryetar komune me ndihmën e shërbimeve të Mijallkovit në Gostivar, të akuzon ndonjë tjetër që 100 ditë ka ardhur në pushtet”, tha Taravari.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP