Kabineti i Ivanovit: Presidenti nuk është i informuar për çfarëdo qoftë marrëveshje të arritur midis Zaevit dhe Ciprasit

Presidenti Gjorge Ivanov nuk është i informuar për çfarëdo qoftë marrëveshje të arritur midis kryeministrit të Maqedonisë dhe atij grek nga takimi i tyre në Davos, në cilën marrëveshje bazohen deklaratat publike të ministrit të Punëve të Jashtme të Greqisë, Nikos Koxias, informojnë nga Kabineti i Ivanovit, transmeton MIA.

Në takimin informues të mbajtur në Klubin e deputetëve më 27 janar të vitit 2018, theksojnë, të pranishmit ishin informuar për idetë e propozuara të ndërmjetësit Methju Nimic në suaza të procesit që udhëhiqet nën patronat të Kombeve të Bashkuara.

“Gjatë informimit për rezultatin e takimit në Davos nuk u përmend çfarëdo qoftë marrëveshje e arritur apo, ndërkaq, marrëveshje për të cilën tani opinionin e informojnë përfaqësuesit grekë. Presidenti i Maqedonisë mbetet në qëndrimin publik të shprehur pas atij takimi, ndërsa në pritje që Qeveria t’i informojë qytetarët e Republikës së Maqedonisë për aktivitetet e ndërmarra të përfaqësuesve qeveritarë, lidhur me këtë çështje”, theksojnë nga Kabineti i Ivanovit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP