Kuvend, kontrollohet përkthimi i amendamenteve të VMRO-DPMNE-së për ligjin e gjuhëve

Shërbimet e Kuvendit kanë përfunduar me përkthimin e mbi 35 mijë amendamenteve të VMRO-DPMNE-së, kundër ligjit për përdorimin e gjuhëve. Administrata parlamentare tani ka filluar që të kontrollojë nëse amendamentet e dorëzuara janë teknikisht në rregull.  Pas arkivimit me numër rendor, pason procedura e krahasimit të amendamenteve me qëllim të grupimit të teksteve që kanë përmbajtje të njëjtë. Kështu mendohet që të reduktohet debati, në mënyrë që të mos diskutohet veçmas për amendamentet e ngjashme, njofton Alsat M.

Shërbimet e Kuvendit nuk mund të parashikojnë kohën që do i duhet deri në thirrjen e seancës ku do debatohet për amendamentet e VMRO-DPMNE-së. Nga ana tjetër kryetari i VMRO-DPMNE-së, Hristjan Mickovski tha se shpërfillja e kërkesave në lidhje me ligjin për gjuhët, i ka shtyrë që ta bllokojnë punën e Kuvendit. Sipas tij, Parlamenti nuk ka rrugëdalje tjetër pos të procedojë dhe t’i shqyrtojë amendamentet e përpiluara nga partia e tij. VMRO-ja opozitare vazhdon të mbajë qëndrim se ligji është jo-kushtetues dhe i pazbatueshëm në praktikë.

Ligji i gjuhëve, shmangie e plotësimit të tij apo bllokim i Kuvendit?!

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP