Hoti: Ratifikimi i marrëveshjes nuk kalon, pa përgjegjësi për vonesën 3 vjeçare

Ai tha se ata që kanë ardhur në pushtet duke kundërshtuar me dhunë këtë marrëveshje, duhet t’ju kërkojnë falje Shefi i Grupit Parlamentar të LDK-së, Avdullah Hoti, tha se në përfundim të afatit për ratifikimin e demarkacionit, në mënyrë që kosovarët të lëvizin lirshëm në BE, nga Qeveria paralajmërohet gjetja e një ‘zgjidhjeje’.

“Është e qartë se me këtë ‘zgjidhje’ zyrtarët e Qeverisë ju referohen neneve të marrëveshjes së vitit 2015, të cilët garantojnë rishikimin e saj në rast se paraqiten fakte të reja”, ka shkruar Hoti.

Shefi i Grupit Parlamentar të LDK-së Avdullah Hoti tha: Ta kenë të qartë se nëse kjo ‘zgjidhje’ është ratifikimi i marrëveshjes së vitit 2015, kjo nuk mund të kalojë pa përgjegjësi për vonesën 3 vjeçare të liberalizimit të vizave, djegies së institucioneve dhe dëmtimit të imazhit publik të Kosovës.

Ai deklaroi se LDK-ja e voton marrëveshjen e demarkacionit, por ata që kanë ardhur në pushtet duke kundërshtuar me dhunë këtë marrëveshje, duhet t’ju kërkojnë falje kosovarëve.

“Ata duhet që menjëherë pas ratifikimit të marrëveshje, ta dorëzojnë pushtetin tek sovrani, i cili me një votim të ri do të vendosë se kush duhet ta udhëheq Kosovën drejt të ardhmes evropiane”, tha Hoti.

Sipas tij koalicioni ekzistues qeverisës ka ardhur në pushtet për të marrë ‘vendime të mëdha’.

“Duket se i vetmi vendim i madh që ju ka mbetur të marrin është ‘kërkimi i faljes’ ndaj qytetarëve për dëmin që ju kanë shkaktuar. Sigurisht se për këtë vendim të madh të kërkim faljes duhet shumë guxim qytetar dhe intelektual”, u shpreh Hoti.

Lajme të ngjashme

Leave a Reply

Your email address will not be published. Required fields are marked *

Back to top button