Maqedonia e ndryshon ligjin: Nuk do të ketë më bastore dhe kazino në çdo hap
Të gjitha bastoret dhe kazinot të cilët ndodhen në largësi më të vogël se 300 metra nga shkollat fillore dhe të mesme patjetër duhet të mbyllen, parashohin ndryshimet e reja ligjore për lojërat e fatit, njofton Portalb.mk.
Sipas të njëjtave, asnjë nga bastoret ose klub-automatet nuk guxon që të jetë afër shkollave.
Me këto ndryshime, parashihet që të kthehet licenca për çdo hapësirë pune për klub-automatet, ndërkaq bastoret do të mundem me 500.000 euro depozit të hapin gjithsej 50 vendpagesa.
Përskaj kësaj, parashihet edhe miratimi i obligimit që aparatet në klub-automatet të mos guxojnë të jenë më të vjetra se 15 vjet, pasi që Qeveria ka konstatuar se aparatet e vjetra nuk mund të garantojnë lojë të saktë.
