Gjykimi për “Ryshfetin”, shtyhet pasi që mungoi prokurori

Gjykimi për rastin “Ryshfeti”, që sot duhej të mbahej në Gjykatën Penale të Shkupit, është shtyrë për më 25 shkurt me kërkesë të prokurorit publik, i cili të premten e ka njoftuar gjykatësin e ri, Darko Todorovski se nuk mund të marrë pjesë në seancën e sotme, njofton Portalb.mk.

Rasti assesi të fillojë, për shkak të një sërë kundërshtimesh. Gjykata e Apelit në Shkup në dhjetor të 2017-s vendosi për shfrytëzim të video-materialet me masa PI si dëshmi që të kthejë sërish në procedurë rastin.

Më 25 dhjetor, në seancën pesëanëtarëshe të Këshillit Gjyqësor, avokati i Zaevit, Jakim Naumov tha se prokurori Publik iku dhe nuk ua dha incizimin e plotë të masave PI.

“Nëse nuk na jep pasqyrë, si mund të përballemi me provat? Çfarë është kjo nëse nuk është procedurë e kurdisur? Ata përdorën agjent-provokues, por urdhër për të nuk ka. Të gjitha mediat, veçanërisht “Siteli”, i publikuan incizimet e Zaevit, që është shkelje e së drejtës së privatësisë dhe për gjykim fer”, tha Naumov.

Ndërkaq avokati tjetër, Vane Andrev tha se agjent-provokuesi, që të kurdisë rastin, iu është lajmëruar Zaevit në orët e vona duke i parashtruar pyetje provokuese.

Prokurori i prokurorisë së lartë publike, Jovan Cvetanovski pati thënë “masat PI janë përdorur në mënyrë ligjore”. Ai kërkoi nga gjykata që ankesën e avokatëve të Zaevit ta hedhin poshtë dhe incizimi i “Jutjubit”, i njohur si “Një euro për Vicen” të jetë dëshmi kundër Zaevit.

Përndryshe, Zoran Zaev në rastin “Ryshfeti” është i dyshuar për kërkim dhe për marrje të ryshfetit në vlerë prej rreth 160 mijë eurosh nga biznesmeni i Strumicës Ivan Nikollov-Saçevllaev, lidhur me legalizimin e një toke.