Seanca e parë gjyqësore për rrënimin e kompleksit “Kosmos”, Gruevski nuk ndjehet fajtor
“Nuk ndjehemi fajtorë, nuk i kemi bërë veprat penale të cilat na janë ngarkuar”,thanë ish kryeministri dhe ish lideri i VMRO-DPMNE-së, Nikolla Gruevski, ish ministri për Transport dhe Lidhje, Mile Janakieski dhe ish kryetari i Komunës së Gazi Babës, Toni Trajkovski, në senacën e sotme të rastit “TNT” të Prokurorisë Speciale Publike, njofton Portalb.mk.
Gruevski, Janakieski dhe Trajkovski askuzohen nën veprën penale “keqpërdorim i autorizimit dhe pozitës zyrtare”, në formë urrejtje ndaj sipërmarrësit Fijat Canovski, duke vendosur që të shkatërrohet kompleski i tij “Kosmos“.
Si të pafajshëm janë deklaruar edhe të akuzuarit tjerë, Elizabeta Najdovska, Naser Alev, Marika Zavirovska dhe Aleksandra Dimitrieva.
Në lëndën “TNT“, i akuzuar i parë është ish lideri i VMRO-DPMNE-së, Nikolla Gruevski. Përveç tij, të akuzuar janë edhe gjashtë persona të tjerë: ish ministri i Transportit, Mile Janakieski, ish kryetari i Komunës së Gazi Babës, Toni Trajkovski, inspektorja ndërtimtare nga Gazi Baba dhe tre anëtarë të Komisionit Komunal për Furnizime. Hetimi i udhëhequr me emrin e koduar “TNT” u hap në prill të vitit 2016, ndërkaq në verën e 2017-tës, Prokuroria Speciale ngriti akuzë.
- LEXO: Gjykata vendosi, “Bombat” do të jenë dëshmi kundër ish ministres Elizabeta Kançeska – Milevska
- LEXO: Rasti “TNT”, ja si u shemb kompleksi banesor “Kosmos” (VIDEO)
Përfundimisht Gjykata lejoi që Gruevski të incizohet në bankën e të akuzuarit (VIDEO)
