SHBA, të shëna në një shkollë të mesme, humb jetën një person

Autoritetet amerikane njoftuan se një person është vrarë, ndërsa disa të tjerë janë plagosur gjatë të shtënave në një shkollë të mesme në rajonin rural të Kentucky-it, transmeton Anadolu Agency (AA).

Matt Bevin, guvernator i shtetit federal Kentucky në Twitter bëri të ditur se të shtënat kanë ndodhur sot në shkollën e mesme të qarkut Marshall në veriperëndim të shtetit.

Bevin shtoi se i dyshuari për të shtënat është arrestuar, ndërsa policia diçka më vonë njoftoi se shkolla tërësisht është e siguruar.

FBI njoftoi se është duke bashkëpunuar me agjencitë shtetërore dhe lokale në zbardhjen e rastit.