Thaçi në Davos, bashkë me Trumpin, Makronin e liderë të tjerë botërorë

Presidenti amerikan, Donald Trump, ai francez, Macron, kryeministri i Indisë, Narendra Modi, kryeministrja e Britanisë së Madhe, Theresa May, kryeministri kanadez, Justin Trudeau, ish-kryeministri i Britanisë, Tony Blair, dhe liderë të tjerë botërorë do të marrin pjesë në Forumin Botëror më të madh ekonomik që organizohet në Davos të Zvicrës.

Në mesin e tyre, i vetmi i ftuar nga Kosova do të jetë presidenti i Kosovës, Hashim Thaçi.

Zyra për Informim e Presidentit ka konfirmuar për “Zeri.info”, se Thaçi do të jetë pjesëmarrës në Forumin më të madh ekonomik botëror.

Sipas Zyrës, gjatë qëndrimit atje, presidenti Thaçi do të zhvillojë shumë takime, për të shtyrë përpara agjendën e njohjes dhe thellimin e bashkëpunimit bilateral me përfaqësues të lartë të shteteve pjesëmarrëse.

Zyra për Informim ka paralajmëruar se në ditët në vazhdim do të japin informacione shtesë lidhur me agjendën e plotë të presidentit Thaçi në Davos.

Në këtë forum do të marrë pjesë, po ashtu, presidenti i Brazilit, Argjentinës, Zvicrës, dhjetëra presidentë nga Afrika dhe shefa të korporatave më të fuqishme botërore.

Ky forum mbledh shumicën e liderëve më të fuqishëm të botës, të cilët përbëjnë përfaqësues të shteteve anëtare të G7 dhe G20.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP