Kuvendi i miratoi në lexim të parë reformat për ligjin për ATO-në

Kuvendi miratoi nevojën e ligjit për Agjencinë Teknike Operative. Me 64 vota pro, asnjë kundër dhe në mungesë të opozitës, shumica i dha dritë jeshile ligjit për ATO-në për procedurë të mëtejme. Ministri i Brendshëm, Oliver Spasovski shpjegoi arsyet për formimin e Agjencisë, transmeton Alsat M. 

“Jemi të vendosur për reforma efikase në sistemin e ndjekjes së komunikimeve të cilat para se gjithash do të forconin procesin, liritë dhe të drejtat e njeriut dhe përmirësimin e vërejtjeve që i kemi pasur deri më tani. Vetëm kjo do të krijonte një sistem të mirë në interes të qytetarëve”- deklaroi ministër i Brendshëm, Oliver Spasovski.

Deputetët e shumicës parlamentare kërkojnë zbatimin të mirëfilltë në praktikë të këtij ligji. Nevoja u votua edhe nga Lëvizja Besa të cilët kërkuan proces transparent në fazën e amendamenteve.

Edhe pse bojkoptojnë punimet e Kuvendit, deputetët e VMRO-DPMNE-së, kritikuan shumicën për miratimin rekord të ligjeve në mungesë të opozitës.

Propozimi do të dërgohet për shqyrtim edhe në Komisionin për mbrojtje dhe siguri. Bashkë me nevojën e ligjit për ATO-në, Kuvendi miratoi edhe pakon ligjore të propozuar nga Qeveria, si ligji për ministrinë e Brendshme, ligji për policinë si dhe ligji për ndjekjen e komunikimeve elektronike.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP