Ligji i gjuhëve, LSDM: do të shqyrtojmë vërejtjet e Ivanovit dhe vendosim për votimin
Koordinatori i grupeve parlamentare të Lidhjes Social Demokrate të Maqedonisë, Tomisllav Tuntev pas takimit me sekretarin e përgjithshëm të NATO-s, Jens Stoltenberg duke komentuar mosdekretimin e ligjit të gjuhëve nga presidenti i Maqedonisë, Gjorge Ivanov ka thënë se partia e tij do të shqyrtojë vërejtjet e tij dhe do të vendos për votimin, raporton Portalb.mk
“LSDM-ja do të shqyrtojë vërejtjet e Ivanovit dhe do të vendos se a do të votojë për ligjin e gjuhëve. Askush nuk humb, sërish do të shqyrtojmë vërejtjet “, tha Tuntev.
Tuntev tha se ligji i gjuhëve është tërësisht në pajtueshmëri me Kushtetutën e Maqedonisë.
“Ivanov nuk dëshiron të njohë vlerat demokratike”, tha Tuntev.
Sa i takon porosisë së sekretarit gjeneral të NATO-s, Jens Stoltenberg “se para ndërtesës së NATO-s ka ende vend për flamuj të tjerë”, Tuntev tha se “me kënaqësi e presim politikën e NATO-s për dyert e hapura”.
Presidenti Ivanov nuk e dekretoi ligjin që avancon përdorimin e gjuhës shqipe (VIDEO)
