Transparenca komunale, Gostivari përmbushi premtimin parazgjedhor
Arben Taravari, kryetar i Komunës së Gostivarit tashmë realizoi, pothuajse në tërësi, njërin prej premtimeve të tij parazgjedhore – transparenca online.
LEXO: #Debatpernime solli premtime të shumta për gostivarasit (VIDEO)
Kryetari i Komunës së Gostivarit, Arben Taravari, si kandidat i zgjedhjeve lokale në vitin 2017, në programin e tij zgjedhor “Për Gostivarin, me dije dhe guxim” (faqe 14) dha premtimin për “Transparencë online”, si një prej prioriteteve të në qeverisjen e tij me qytetin.
Përveç programit të tij politik, këtë premtim kryetari i Komunës, Taravari e vërtetoi edhe në debatin parazgjedhor “Jeta në Maqedoni”, ku, poashtu, u zotua për transparencë dhe përditësimi i uebfaqes me të gjithë informacionet e nevojshme për gazetarët dhe publikim të kontakteve të personave me të cilët gazetarët mund të komunikojnë për informacionet e nevojshme në lidhje me veprimet e komunës.
Këtë premtim të tij zgjedhor e vlerësojmë si të realizuar, duke pasur parasysh faktet e poshtëshënuara.
Pas kontrollit në uebfaqen e Komunës së Gostivarit, mund të shihet se në anën e majtë gjendet pjesa “Dokumentacione”, në të cilin mund të gjenden të dhënat në vazhdim:
- Llogaritë përfundimtare 2016 – Komuna e Gostivarit
- Qasje e lirë në informata me karakter publik
- Buletini zyrtar
- Statuti i Komunës
Në pjesën “Qasje e lirë në informata me karakter publik” mund të gjendet të gjithë dokumentet edhe të Komisionit për mbrojtjen e të drejtës për qasje të lirë në informacionet me karakter publik, aktet ligjore të komunës dhe kontakt informacionet të personit zyrtar për asistim me qasjen deri te informacionet me karakter publik:
Informata themelore
- Formulari – Kërkesë për qasje të lirë në informata me karakter publik (word format)
- Broshura – Qasja në informacione me karakter publik është e lirë
- Formulari – Ankesë deri te Komisioni (KMDQLIKP) (word format)
- Vendimi për përcaktimin e kompensimit të shpenzimeve materiale për informatën e dhënë nga poseduesit e informatave (pdf format)
- Lista e informatave me karakter publik (pdf format)
Akte themelore juridike
- Statuti i komunës
- Buletini zyrtar i komunës
- Vendimi për organizimin, fushëveprimin dhe mënyrën e kryerjes së detyrave të administratës komunale të Komunës së Gostivarit (pdf format)
- Organizimi i administratës komunale – Organogrami (pdf format)
Personi zyrtar për ndërmjetësim në informata me karakter publik
Sipas të gjithë këtyre informacioneve, këtë premtim të Taravarit të dhënë në programin e tij politik edhe në debatin televiziv në fushatën zgjedhore për Gosivar e vlerësojmë si të realizuar.
*Përbën kuriozitet fakti se nëse në google kërkojmë për Komunën e Gostivarit,del edhe sajti i vjetër, ku akoma qëndron Nevzat Bejta, si kryetar paraprak. Por, menjëherë nën të ka edhe një temë tjetër Komuna e Gostivarit: Ballina, ku edhe hapet sajti i Taravarit. Kjo do të thotë se në të njëjtin domen është krijuar sajt të ri
BURIMI: Vërtetmatës.mk
