Ford investon miliarda dollarë në veturat elektrike
Ford do të zgjerojë investimet në automjetet elektrike në SHBA me 11 miliardë dollarë deri në vitin 2022 në prodhimin e 40 veturave hibride dhe elektrike, ka thënë shefi i kompanisë Bill Ford, transmeton Koha.net.
Prodhuesi amerikan më herët kishte paralajmëruar të investojë 4.5 miliardë dollarë deri në vitin 2020, njoftoi menaxhmenti.
Në vitin 2016, departamenti për kërkime dhe zhvillim i Fordit kishte shpenzuar 7.3 miliardë dollarë.
“Ne dëshirojmë të kemi sukses në veturat elektrike dhe kemi investuar në këtë drejtim”, tha Bill Ford për media.
