Ja sa marrin rroga udhëheqësia e Ministrisë së Mbrojtjes dhe ARM-së
Ministrja e Mbrojtjes, Radmilla Shekerinska, ka pagë mujore prej 78.791 denarë, ndërkaq zëvendësi i saj, Bekim Maksuti 64.844 denarë. Kështu tregojnë të dhënat zyrtare të publikuara sot nga Ministria e Mbrojtjes, për siç thonë ata, transparencës dhe llogaridhënies përpara qytetarëve të Maqedonisë se ku shkojnë paratë e tyre, njofton Portalb.mk.
Pos Shekerinskës dhe Maksutit, Ministria e Mbrojtjes i ka publikuar edhe rrogat e sekretarit shtetëror, Dragan Nikoliq (59.274 denarë), gjeneralit të Shtabit të Përgjithshëm të Armatës së Maqedonisë, Metodija Veliçkovski (76.372 denarë), zëvendësit të tij, Muhamed Racaj (66.250 denarë), drejtorit të Shtabit të Përgjithshëm, Dimçe Petrovski (66.250 denarë) dhe dekanit të Akademisë Ushtarake, Orce Popovski (61.896 denarë).
Gjatë konferencës së sotme për shtyp, ministrja Shekerinska, tha se përveç të dhënave për rrogën, Ministria e Mbrojtjes i publikon edhe disa dokumente tjera, të cilat mund t’i shihni më poshtë:
- Ligje dhe akte nënligjore
- Dokumente strategjike
- Buxheti i Ministrisë së Mbrojtjes
- Raportet e revizorëve
- Mbikëqyrjet inspektuese
- Plan për furnizime publike
- Qasje të lirë deri te informatat me karakter publik
- Lista të regjistrave aktiv
- Lista anketuese
- Rrogat e funksionarëve dhe udhëheqësisë së Ministrisë së Mbrojtjes dhe ARM-së
- Shërbim vullnetar ushtarak
- Informata tjera me karakter publik
