Presidenti pro-rus i Çekisë fiton raundin e parë të zgjedhjeve

President aktual i Çekisë, Milos Zeman, fitoi raundin e parë të zgjedhjeve presidenciale dhe tashmë do t’i duhet të përballet në balotazh me kandidatin Jiri Drahos, ish-kryetar i Akademisë së Shkencave të vendit, njofton DW.

Ishin tetë kandidatë që u munduan të fitonin ndaj 73-vjeçarit që kërkon të rizgjidhet president për një mandat tjetër pesë-vjeçar.

Pas numërimit të rreth 95% të votave nga Zyra e Statistikave të Çekisë dhe me rreth 65% pjesëmarrje të votuesve, zoti Zeman kryesonte me 39.3% të votave, i pasuar nga zoti Drahos me 26.3%, dhe nga ish-diplomati Pavel Fischer me 10.1%.

Zoti Zeman, një ish-kryeministër i majtë, u zgjodh për herë të parë president në vitin 2013 në votimin e parë të drejtpërdrejtë popullor në Çeki.

Presidenti Zeman u bë i njohur për retorikën e tij të fortë kundër emigrantëve, duke fituar kështu edhe mbështetjen e së djathtës së skajshme populiste. Ai e ka përçarë vendin nëpërmjet qëndrimit të tij pro-rus dhe me mbështetjen për lidhje më të afërta me Kinën.

Ai ishte një ndër udhëheqësit e paktë evropianë që mbështetën kandidaturën e Donald Trumpit për në Shtëpinë e Bardhë.

Balotazhi do të zhvillohet në datat 26 dhe 27 janar.

LEXO: Çeki, dita e dytë e zgjedhjeve presidenciale

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP