Zeman nuk siguroi fitoren në raundin e parë të zgjedhjeve presidenciale në Çeki

Presidenti aktual i Çekisë, Milos Zeman, ka siguruar shumicën e votave në raudin e parë të votimeve për zgjedhjet presidenciale, mirëpo jo mjaftueshëm për të fituar, shkruan REL.

Me më shumë se 93 për qind të votave të numëruara, Zeman ka fituar 39 për qind të votave, duke u përcjellur nga ish udhëheqësi i Akademisë së Shkencave, Jiri Drahos me 26 për qind.

Kandidatët e tjerë kanë fituar më pak se 10 për qind.

Në raundin e dytë të zgjedhjeve do të përballen Zeman dhe Drahos, të cilat do të mbahen më 26-27 janar.

Presidentët çekë kanë fuqi ekzekutive të limituar në Çeki, mirëpo Zeman i zgjedhur president fillimisht më 2013 dhe paraardhësit e tij kanë pasur ndikim të madh në debatin publik.

Zeman njihet për qasjet e tij kundër imigrantëve, ato pro-ruse dhe pro-kineze.

Kandidati tjetër, Jiri Drahos, konsiderohet liberal pro-evropian.

Dalja në këto zgjedhje ka qenë rreth 60 për qind.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP