Çeki, dita e dytë e zgjedhjeve presidenciale

Votuesit e Republikës Çeke u janë drejtuar kutive të votimit gjatë ditës së sotme, në ditën e dytë të zgjedhjeve presidenciale në këtë vend.

Presidenti akual, Milos Zeman është duke garuar me nëntë kandidatë të tjerë, përfshirë ish udhëheqësin e Akademisë së Shkencave, Jiri Drahos, njofton REL.

Zeman njihet për qëndrimet e tij kundër imigrantëve ato pro-ruse dhe pro-kineze, derisa Drahso shihet si liberal pro-evropian.

Sipas sondazheve, Zeman pritet të fitojë në raundin e parë, mirëpo jo edhe shumicën e votave.

Nëse nevojitet raundi i dytë, atëherë ai do të mbahet më 26-27 janar.

Rezultatet preliminare të zgjedhjeve pritet të bëhen publike më vonë gjatë ditës së sotme.

Derisa Zeman ishte duke votuar në Pragë më 12 janar, para tij doli një grua pjesërisht e zhveshur e cila ka bërtitur drejt presidentit “Zeman, prostitutë e Putinit”.

Më këtë rast, ajo u është referuar raporteve të mira të Zemanit me presidentin rus, Vladimir Putin.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP