Grabitja spektakolare e hotelit, policia gjen bizhuteritë e vjedhura

Policia franceze arriti t’i gjejë bizhuteritë e grabitura gjatë mësymjes spektaklore të hotelit Ritz në kryeqytetin francez.

Nga sa shpjegojnë autoritetet, njërit prej personave të maskuar që mbollën panik në “Place Vendome”, i ka rënë çanta me gurët e çmuar pasi po largohej me motoçikletë nga vendngjarja, por rrugës u përplas padashur me një kalimtar.

Vlera e artikujve të çmuar të argjendarisë llogaritet në 4,5 milionë euro. Vjedhja e denjë për një film aksion e vendosi hotelin superluksoz në vëmendjen e mediave ndërkombëtare. Tre prej autorëve u prangosën shumë shpejt pas episodit, ndërsa dy të tjerë janë ende në kërkim nga forcat e rendit.

Një pjesë e personave të prekur nga ngjarja, në fakt, fillimisht menduan se mos bëhej fjalë për një sulm terrorist. Aktet e terrorit e kanë munduar shumë Francën këto vitet e fundit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP