Gjykata e Apelit vendosi: të dyshuarit për terrorin e 27-prillit ngelen në burg

Pas shqyrtimit të ankesave për heqjen e zgjatjes së paraburgimit për të dyshuarit e ngjarjeve të 27-prillit në Kuvendin e Maqedonisë, Gjykata e Apelit në Shkup ka sjellë vendim që 11 të akuzuarit, ankesat e të cilëve janë shqyrtuar, të qëndrojnë edhe më te në burg, ndërkohë që për 7 ankesat tera tjerat ende nuk ka vendim, njofton Portalb.mk.

“Gjykata e Apelit në Shkup, pas mbajtjes së seancave të paralajmëruara dhe të pa paralajmëruara më 10.01.2018 dhe 11.01.2018, ka sjellë vendim që të refuzojë si të pabaza të gjitha ankesat e të dyshuarve dhe i ka shpallë vendimet e Gjykatës Themelore Shkupi 1 të sjella në kuadër të procedurë në lidhje me ngjarjet në Kuvendin e Republikës së Maqedonisë më 27 prill të 2017-s edhe atë për Oliver Popovski, Goran Gjoshevski, Vllado Jovanovski, Mitko Çavkov, Igor Durllovski, Munir Pepiq, Dushko Llazarov, Mitko Peshov, Oliver Raudllov, Bogdan Ilievski dhe Ilija Sllaveski”, thuhet në njoftimin e Gjykatës së Apelit.

Përndryshe, për vazhdimin e paraburgimit për të dyshuarit e 27-prillit janë dorëzuar 18 ankesa në Gjykatën e Apelit.

Ndryshe, Këshilli Penal i Gjykatës Themelore Shkupi 1 më 27 dhjetor, ua vazhdoi masën për paraburgim 29 personave në lidhje me ngjarjet e 27-prillit në Kuvendin e Republikës së Maqedonisë. 23 personave u është vazhduar masa 30-ditë paraburgim, katër personave u është vazhduar masa  arrestit shtëpiak, ndërsa dy të akuzuarve masa e paraburgimit u është ndërruar me arrest shtëpiak.

Për L.D., J.T., Zh.P dhe S.M, siç është theksuar, është pranuar masa për vazhdimin e masës për arrest shtëpiak.

Për S.M dhe M.M është pranuar propozimi i Prokurorisë për heqjen e masës së paraburgimit dhe u është përcaktuar masë me arrest shtëpiak.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP