Dimitrov: Kemi mundësi për hap serioz përpara

Shefi i Diplomacisë Nikolla Dimitrov sot realizoi takim me zëvendës sekretarin e përgjithshëm të Shërbimit për punë të jashtme të BE-së (EEAS).

Takimi u mbajt në kuadër të takimit të drejtorëve politikë për çështje evropiane të vendeve të Ballkanit Perëndimor, organizator i të cilit ishte Ministria e Punëve të Jashtme të Maqedonisë.

Fokusi i bisedës, siç kumtoi MPJ-ja, u vendos në perspektivat evropiane të Maqedonisë dhe vendeve të rajonit në prag të  zhvillimit të pritur të ngjarjeve brenda Unionit në gjysmën e parë të vitit 2018.

Ky është publikimi i Strategjisë së kryetarit të KE-së Zhan-Klod Junker për zgjerimin e BE-së në shkurt të vitit 2018, raportet e KE-së për progresin e vendeve në prill të vitit 2018 dhe samiti i BE-së dhe Ballkanit Perëndimor në Sofje gjatë presidencës bullgare me Këshillin e BE-së në maj të vitit 2018.

Dimitrovi e njoftoi bashkëbiseduesin për arritjet e Maqedonisë në implementimin e reformave të brendshme dhe përparimin e marrëdhënieve të mira fqinjësore.

“Përkundër sfidave të përditshme, jam i inkurajuar nga ritmi i reformave në një pjesë të sektorëve kyç të rrugës sonë evropiane. E shfrytëzuam krizën që të rritemi dhe përpara nesh ka një perspektivë që nuk duhet të humbasim. Kemi mundësi për hap serioz përpara”, tha Dimitrov.

Ai u përqendrua edhe në planet dhe pritjet e Qeverisë për periudhën e ardhshme. E theksoi nevojën për mbështetje të Maqedonisë nga liderët evropian, institucionet, si dhe nga vendet anëtare, me qëllim që të arrihet deri te fillimi i negociatave për anëtarësim në BE. 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP