Shekerinska-Belliard: Maqedonia përsëri shihet si një shembull i suksesshëm

Ministrja e Mbrojtjes Radmilla Shekerinska sot u takua me një delegacion të Bashkimit Evropian, të kryesuar nga Jean-Christophe Belliard, drejtor politik i Shërbimit për Politikë të Jashtme të Unionit.

Në takim ku morrën pjesë edhe Angelina Eichhorst, drejtore për Evropën Perëndimore, Ballkanin Perëndimor dhe Turqinë, si dhe euroambasadori Samuel Zbogar, u konkludua se është arritur progres në reformat dhe se Ballkani përsëri është në fokus të Bashkimit Evropian.

„Qeveria e Republikës së Maqedonisë, së bashku me Kuvendin dhe institucionet e tjera, janë të fokusuara në reformat e programit 3-6-9. Ne besojmë fuqimisht se kthimi i vendit në rrugën e integrimit në Bashkimin Evropian dhe NATO do të kontribuojë në stabilitetin e brendshëm dhe rajonal dhe për këto procese presim mbështetjen e Bashkimit Evropian”, tha ministrja Shekerinska në takim.

Drejtori politik Belliard theksoi se atmosfera e re pozitive është e qartë dhe se ka disa elemente që do të ndihmojnë Ballkanin në tërësi dhe një prej tyre është presidenca e Bullgarisë me Bashkimin Evropian. Ai theksoi se vendi ynë duhet të përqëndrohet në reformat dhe se Maqedonia përsëri shihet si një shembull i mirë, me çka krijohet një atmosferë pozitive në Komisionin Evropian.

Ministrja vuri në dukje edhe faktin se në Maqedoni ekziston një konsensus i plotë mbi integrimin në NATO dhe Bashkimin Evropian dhe se kur qytetarët dhe institucionet shohin që rajoni kthehet në agjendën e BE-së, disponimi për reforma është shumë më i fortë.

Shekerinska shtoi se Maqedonia dëshiron të jetë pjesë e programeve të mbrojtjes evropiane dhe se Ministria është e angazhuar për reformat e mbrojtjes dhe zhvillimin e dokumenteve kryesore siç është Rishikimi Strategjik i Mbrojtjes, por edhe në bashkëpunimin rajonal dhe kontributin për paqen dhe sigurinë përmes pjesëmarrjes në misionet e NATO-s, Bashkimit Evropian dhe Kombeve të Bashkuara.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP