Mbi 40 persona rezultojnë të zhdukur pas rrëshqitjes së tokës në Kaliforni
Nuk bëhet i ditur fati i dhjetëra personave pas rrëshqitjes së tokës në Kaliforninë Jugore.
“Jemi në kërkim të 43 personave … Ky numër vazhdimisht ndryshon”, deklaroi sherifi Bill Braun nga Santa Barbara.
Deri më tani, është konfirmuar vdekja e 17 personave. Vërshimet në shtetin Jugperëndimor amerikan i shkatërruan shumë shtëpi dhe e ndërprenë komunikacionin.
Katastrofa natyrore u shkaktua prej reshjeve të rrëmbyeshme të hënën dhe të martën në rajonet e shkatërruara prej zjarrit të madh në Kaliforni muajin e kaluar.