Kryetari i Kuvendit të Greqisë, Vucis: Ekziston mundësi e lartë për zgjidhjen e çështjes së emrit

Kryetari i Kuvendit të Greqisë, Nikos Vucis është optimist për zgjidhjen e kontestit me emrin dhe konsideron se ekziston mundësi e madhe që nuk guxon të anashkalohet, njofton Portalb.mk.

“Kjo çështje është shtyrë për shumë vite. Ka mundësi të rëndësishme për zgjidhjen e saj që mund të shfrytëzohet dhe unë jam optimist”, deklaroi Vucis për televizionin shtetëror grek “ERT”.

I pyetur se a ekziston interes nga anët tjera që të gjendet zgjidhje mes Athinës dhe Shkupit, Vucis është përgjigjur se të gjithë janë interesuar për mbylljen e kësaj çështje, veçanërisht BE, NATO dhe vendet fqinje.

Në lidhje me qëndrimet e kundërta që i ka treguar Panos Kamenos, lideri i partisë së grekëve të pavarur, nga koalicioni partner më i vogël në Qeveri, Vucis tha se nuk pret probleme dhe tha se do të arrihet bashkim dhe shumicë parlamentare në lidhje me marrëveshjen eventuale për çështjen e emrit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP