Investigim: Shqiptarët më optimistë rreth BE-së, serbët më skeptikë
Studim i kryer nga programi i Bashkimit Evropian Horizont 2020 tregon se Kosova dhe Shqipëria janë vendet më optimiste sa i përket hyrjes në Bashkimin Evropian, ndërsa serbët janë më euroskeptikët në Ballkan.
Më pak frikë se BE do të kërcënojë identitetin kulturor dhe ekonominë kanë të anketuarit nga Kosova dhe Shqipëria, derisa 50 për qind e serbëve konsiderojnë se hyrja në BE rrezikon ekonominë dhe kulturën e tyre.
Nga ana tjetër, malazezët të cilët janë më afër hyrjes në BE, janë po ashtu skeptikë. Qëndrime të ngjashme kanë edhe Maqedonia dhe Bosnja e Hercegovina.
