Maqedoni, borxh ri me vlerë prej gjysmë miliardë euro

Ministria e Financave në tregun ndërkombëtar të kapitalit lëshoi eurobond në shumë prej gjysmë miliardë euro me afat të mbërritjes prej shtatë vitesh dhe normë interesi prej 2,75 %. Sipas Ministrisë, kjo është norma bindshëm më e ulët e interesit e arritur në histori dhe ka qenë reflektim i besimit jashtëzakonisht të madh tek investitorët ndërkombëtar për perspektivat e ekonomisë vendore, si dhe kushtet e volitshme të tregjeve ndërkombëtare të kapitalit, njofton Alsat-M. Kërkesa nga investitorët për bondin në shumë prej mbi 3,5 miliardë euro, gjegjësisht mbi shtatë herë më i lartë sesa oferta, ka mundësuar të arrihet normë interesi prej 2,75% në nivel vjetor, gjegjësisht normë interesi me të ardhura prej 3 %.

Siç është parashikuar me Buxhetin për vitin 2018, të ardhurat nga euro-bondet do të përdoren për mbulimin e deficitit buxhetor, si dhe për pagesën e borxheve paraprake, duke përfshirë edhe këstin e parë të Kreditit PBG prej vitit 2013 në shumë prej 95 milionë euro që mbërrin në fund të janarit.

Për herë të parë është kryer blerje e pjesshme e parakohshme e euro-bondit ekzistues.

Gjegjësisht, është bërë blerje e parakohshme e një të tretës së eurobondit prej 270 milionë euro të lëshuar në vitin 2015 që mbërrin në dhjetor të vitit 2020 dhe norma e interesit e të cilit është 4,8% dhe është dukshëm më e lartë sesa norma e interesit e eurobondit të sapolëshuar prej 2,75%.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP